Karam mangta hoon ata mangta hoon

Karam mangta hooN ata mangta hooN

Ilahi meiN tujh sey dua mangta hooN

Ata kar do shan-e-Kareemi ka sadqa

Dila dey Ilahi Raheemi ka sadqa

NaaN mangoN ga tujh sey to mangoN ga kis sey

Taira hooN tujhi sey dua mangta hooN

Karam mangta hooN ata mangta hooN

Ilahi meiN tujh sey dua mangta hooN

Ilahi tu hamaisha masroor rakhna

balawoN sey ham ko bohat door rakhna

ParayshaniaN hum ko ghairay howay haiN

MeiN inn say taira aasra mangta hooN

Karam mangta hooN ata mangta hooN

Ilahi meiN tujh sey dua mangta hooN

Huwa hay naaN mayoos taira sawali

NaheeN tairay dar say gia koi khali

GhareeboN ki khatir shifa mangta hooN

Karam mangta hooN ata mangta hooN

Ilahi meiN tujh sey dua mangta hooN

Ilahi tujhay wasta Panjtan ka

Ho shadab ghuncha dilooN kay chaman ka

Tu daman hamaray muradoN say bhar dey

Karam ki nazar ik Khuda mangta hooN

Karam mangta hooN ata mangta hooN

Ilahi meiN tujh sey dua mangta hooN